രൺവീർ സിങ്ങിനെ നായകനാക്കി ആദിത്യ ധർ സംവിധാനം ചെയ്ത 'ധുരന്ദർ 2 ' തിയേറ്ററുകളിൽ ഗംഭീര പ്രദർശനം തുടരുകയാണ്. ആദ്യ വീക്കെന്ഡ് കൊണ്ട് തന്നെ എക്കാലത്തെയും വലിയ ഇന്ത്യന് ബ്ലോക്ക്ബസ്റ്റര് ചിത്രങ്ങളുടെ പട്ടികയില് സിനിമ ഇടം നേടിയിട്ടുണ്ട്. 1000 കോടി ക്ലബ്ബിൽ ചിത്രം ഇരുപ്പുറപ്പിച്ചു കഴിഞ്ഞു. ഇതോടെ ഏറ്റവും വേഗത്തില് ആയിരം കോടി ക്ലബില് ഇടം നേടുന്ന ഇന്ത്യന് ചിത്രമെന്ന നേട്ടവും ധുരന്ദർ സ്വന്തമാക്കി കഴിഞ്ഞു. കേരളത്തിലും വലിയ മുന്നേറ്റമാണ് സിനിമ ഉണ്ടാക്കുന്നത്.
11 ദിവസങ്ങൾ പിന്നിടുമ്പോൾ 15.5 കോടിയാണ് ധുരന്ദർ 2 കേരളത്തിൽ നിന്ന് നേടിയിരിക്കുന്നത്. ഇതോടെ കേരളത്തിൽ നിന്ന് ഒരു ഹിന്ദി ചിത്രം നേടുന്ന ഏറ്റവും ഉയർന്ന കളക്ഷൻ ചിത്രമായി ധുരന്ദർ 2 മാറി. ഒരു ബോളിവുഡ് ചിത്രം കേരളത്തിൽ 15 കോടി പിന്നിടുന്നതും ഇത് ആദ്യമായിട്ടാണ്. ഷാരൂഖ് ചിത്രം ജവാൻ നേടിയ 13.4 കോടിയേയും പത്താൻ നേടിയ 13.2 കോടിയേയുമാണ് ഇതോടെ രൺവീർ ചിത്രം മറികടന്നത്. ആമിർ ഖാൻ ചിത്രം ദംഗൽ (10.1 കോടി), ധുരന്ദർ (8.75 കോടി) എന്നിവയാണ് നാലും അഞ്ചും സ്ഥാനങ്ങളിലുള്ള ബോളിവുഡ് സിനിമകൾ. ആഗോള ബോക്സ് ഓഫീസിൽ സിനിമ ഇതിനോടകം 1365 കോടി പിന്നിട്ടു കഴിഞ്ഞു. ഇന്ത്യയിൽ നിന്ന് 1023 കോടിയും 342 കോടി ഓവർസീസിൽ നിന്നുമാണ് സിനിമ നേടിയത്.
#DhurandharTheRevenge Crossed 15.5 cr in 11 Days from Kerala 🔥🔥📈📈Breaks the Record of #Pathan (13.5 cr) & Becomes the Highest Bollywood Grosser of Kerala 📈👏 & Becomes The First Bollywood Movie To Gross 15 Cr in Keralapic.twitter.com/aTmqSCO9fg
ചിത്രത്തിന്റെ ആദ്യ ഭാഗവും 1000 കോടി പിന്നിട്ടിരുന്നു. ഇതോടെ ബോളിവുഡ് സൂപ്പര് താരം ഷാരൂഖ് ഖാന് ശേഷം ബോക്സ് ഓഫീസില് തുര്ച്ചയായി 1000 കോടി നേടുന്ന നടന് എന്ന നേട്ടമാണ് രൺവീർ സ്വന്തമാക്കിയിരിക്കുന്നത്. തുടര്ച്ചയായി രണ്ട് സിനിമകള്ക്ക് 1000 കോടി എന്ന റെക്കോഡില് ഇനി രണ്വീറിന്റെ പേരും ഉണ്ട്. ഈ റെക്കോർഡ് നേരത്തെ ഷാരൂഖ് ഖാന് മാത്രമായിരുന്നു സ്വന്തം. ജവാൻ, പത്താൻ എന്നീ സിനിമകളിലൂടെ അടുപ്പിച്ച് 1000 കോടി നേടിയിരുന്നു. ബി62 സ്റ്റുഡിയോ നിര്മ്മിച്ച് ജിയോ സ്റ്റുഡിയോ അവതരിപ്പിക്കുന്ന 'ധുരന്ദർ' പ്രതികാരം', ഹിന്ദി, തമിഴ്, തെലുങ്ക്, മലയാളം, കന്നഡ എന്നീ അഞ്ച് ഭാഷകളില് ആണ് ആഗോള റിലീസായി എത്തുന്നത്. ഗുഡി പഡ്വയുടെയും ഉഗാദിയുടെയും അവസരത്തിലും ഈദിന് മുന്നോടിയായും പുറത്തിറങ്ങുന്ന ചിത്രം രചിച്ചതും സംവിധായകന് ആദിത്യ ധര് തന്നെയാണ്. ജ്യോതി ദേശ്പാണ്ഡെയും ലോകേഷ് ധറും ആദിത്യ ധറും ചേര്ന്നാണ് ഈ മെഗാ മാസ്സ് ആക്ഷന് സ്പൈ ത്രില്ലര് നിര്മ്മിച്ചിരിക്കുന്നത്.
Content Highlights: Dhurandhar 2 breaks Shahrukh Khan film Jawan film in kerala sets new record